23 de outubro de 2013

Recursos para Samaín - Halloween à moda galega


O Samaín é o antergo do Halloween americano, era umha das datas máis importantes do ano para os celtas, pois marcaba o comezo do ano novo e do inverno. Nestas datas ademáis a fronteira entre o mundo dos vivos e o mundo dos mortos desaparecía e os mortos retornabam  às súas casas para visitar aos familiares, na procura de alimento ou de calor no lume da lareira.

Minha nai conta que cando nena aló en Santiago, baleiraban cabazas dándolhes olhos e boca e prendían dentro umha candea, despois punham as cabazas polos caminhos à noite "porque lles daba medo" e asustar aos caminhantes e así a gozaban os cativinhos daquela, xogando a asustarse.



Nós adornamos a casa para este día com cousas feitas na casa, tamém baleiramos umha cabaza e co recheo facemos chulas, coma todos os anos imos ler "A noite de Samaín", de Pepe Carreiro e outras historias asustadoras (a estántiga, as meigas chuchonas,... quem sabe?).

Também iremos à procura de lambetadas, porque tamem há que celebrar o Halloween :D nesta casa estamos sempre prontos para ir de festa :D



Facer chulas de cabaza:
 


Chulas de cabaza:

Ingredentes:
Farinha (aproximadamente 2 vasos), azucar (2 vasos), 3 ovos, cabaza, aceite, sal.

Pélase a cabaza e cócese em auga cumha pouca sal, despois deíxase escorrir até que solte a auga.
Numha tarteira grande botamos a cabaza, o azucre, os ovos e a farinha. Remexemos todo coa "mini-mini" como lhe chamaba a minha avoa, e  acrescentamos de farinha até que fique umha crema mesta.
Para rematar, imos botando a culheradas para fritila em aceite bem quente.




Máis cousinhas:
Related Posts Plugin for WordPress, Blogger...